Transcription
1
Monsieur, je revins hier de La Voulte où je laissis monsieur le
2
conte de Ventadour ce pourtant mieulx quil ne faisoyt, combien
3
quil aye tousjours quelque ressentiment de ses dolleurs et
4
une sueur après le past et pence quil demeurera icy
5
jusques à la Toussainctz. Il me demanda fort de vous.
6
Il actend monsieur et madame de Suze bien tost et
7
croys quilz apoincteront. Monsieur le conte heust des
8
lettres mardy de Monsieur et de messieurs les mareschaulx
9
de Montmorancy et de Dampville, escriptes à Chenonceaulx
10
le vingt et sixiesme du passé et ne ly parle que
11
du mariage de madamoyselle de Sault et dung gentilhomme,
12
de quoy ne me recorde du nom. Je vous escriptz dernierement
13
du mariage de monsieur le conte de Tande et de
14
madamoyselle de Thurenne. A ce que jentens, il est bien
15
avancé. Lon dict que monsieur de Nevers est à
16
Marcelhe. Je ne le scay au vray ; que sera la fin, après
17
vous avoyr supplié me commander votre vouloyr pour icelluy
18
toute ma vie acomplir daussy bon cueur que me recommande
19
très humblement à votre bonne grace, priant Dieu
20
monsieur, qui vous ayt en sa garde. De votre maison de Montoyson, ce
21
VIIme septembre 1571.
22
Votre très humble et aubeisat [sic] servyteur
23
montoyson
24
La dame de sceans se recommande
25
très humblement à votre bonne grace
26
Monsieur, avoir escrist la presente lon ma dit que madame d’Ourche se doust
27
que madamoysele d’Ourche soiet en seinte ; de quoy je loue Dyeu et bien vous a
28
seure que toust ce pourte bien.